Непозната болест ги сотре дебарските пчели PDF Печати Е-пошта
Напишано од Вера Тодоровска   
Недела, 16 Јануари 2011 19:07


Непозната болест ги сотре пчелите во Дебарско. Од околу 2500 пчелни семејства, повеќе од пола ги нема. Тие секојдневно се помалку бројни, алармираат дебарските пчелари. Кај некои речиси целосно се угинати пчелите, кај некои 50 кај други 30 отсто.

-Во есенва пчелите беа многу добри. Зимно време кога отидовме да ги прихраниме пчелите ги снема во кошниците. Значи или пчелите се болни, веројатно е некоја нова болест, или од некаде некоја зараза. Затоа бараме од институциите да ни се помогне, да направат анализи да ги спасиме другите кои немаат штета, вели Ирфан Уштеленца од Дебар, кому речиси целосно му се угинати пчелните семејства.

-Бараме од министерството за земјоделие да ни се помогне да се види што е состојбата. Дали е болест некоја или е загадување на животната средина, бидејќи се случува нешто чудно, изјави Дилавер Демоски од селото Могорче.

„Најекстремен“ пример е пчеларот Реџеп Џека, кој имал 100, а сега има само пет пчелни семејства. Од 130 семејства, 30 отсто се угинати и во пчеларникот на Блаже Петревски, кој иако има четириесет годишно искуство не може да го најде изворот на болеста.

-Дали е тоа ноземо церана, недоволно испитана болест во нашиот регион или можеби е последица на сушниот летен период и недоволната стимулативна прихрана во месец јули и август. Тие две причини мислам доведоа до таков помор на пчелите кој се случува денеска, смета Блаже Петревски.

Но сепак последниот збор треба да го кажат надлежните. Од нив дебарските пчелари бараат под итно да преземат активности, преку анализа и утврдување на причината, до мерки за спречување на понатамошното ширење на оваа појава.

Со пчеларство во овој регион се занимаваат стотина пчелари кои годишно произведуваат по околу 30 тони квалитетен мед.

Вера Тодоровска- дописник од Дебар
14.01.2011, 09:38
Последна промена на Четврток, 02 Февруари 2012 22:28
 
Коментари (3)
za bolesta
3 Четврток, 24 Февруари 2011 17:48
diaz
se raboti za bolest koja e nedovolno ispitana barem za nasi uslovi, inaku kaj mene site umreni pcelni semejstva t.e. nivnite zivealista se polni so megd i polen, taka da ne stanuva za nepravilno odzemanje na med.
Одговор
Непозната болест
2 Среда, 19 Јануари 2011 19:34
Душко
Тука се работи за вирусно заболување кај пчелите. Согледувајки ги објаснетите симптоми, по се изгледа се работи за акутна или хронична парализа кај пчелите. Причини за болеста обично се:1.Недостаток на полен во пашен период, кога нектарот го има во изобилие. 2. Неправилната исхрана на пчелите во многу сушни и топли периоди, при што растенијата заболуваат од габични заболувања, а кои габи со вирусите создаваат смртна комбинација за пчелите. 3. На пчелите имало крлежи кои исто така се преносители на вируси.
Коментари (1)
НЕПОЗНАТА БОЛЕСТ.
1 Понеделник, 17 Јануари 2011 16:54
ИГОР
ДАЛИ СЕ РАБОТИ ЗА НЕПОЗНАТА БОЛЕСТ ИЛИ СЕ РАБОТИ ЗА НЕСОВЕСНО ОДЗЕМАЊЕ НА ПРОЛЕТНИОТ МЕД И КАСНА ЕСЕНСКА ПРИХРАНА СО ШЕКЕРЕН СИРУП ИЛИ ГЛИКОЗА,ТОА КЕ ПОКАЖЕ ИСПИТУВАЊЕТО,НО ГЛЕДАМ КАКО ГОЛЕМ БРОЈ НА ПЧЕЛАРИ ОД АЛЧНОСТ ОДЗЕМААТ СЕ ШТО Е СОБРАНО ВО САНДУКОТ И ГИ ОСТАВААТ ПЧЕЛИТЕ НА ПРЕЖИВУВАЊЕ.
Одговор

Додади го твојот коментар

Вашето име:
Наслов:
Коментар (тука може да се користат HTML tags):
yvComment v.1.19.3