ПЧЕЛАР.мк

Јануарското легло според многу теоретичари и практичари е непожелно . Се препорачува отворање на летата и зголемување на вентилацијата со цел да се спречи прераното легло кое најчесто само ја истоштува пчелината заедница. Таа треба да одржува температура од +31 С⁰ најмалку 30 дена за да успее да го одгледа леглото. Ова легло е непожелно бидејки Јануари е нестабилен и студент месец а задржувањето на високи температури во подолг период не е можно.

Но не само прочистувачкиот лет туку и ослушнувањето на звуците во кошницата  може да не упати на тоа како зимува пчелината заедница и дали и треба интервенција од пчеларот за да се избегнат загуби на пчели или цели заедници.

Не ретко почетниците но и сите  пчелари сакаме во периодот кога снежната покривка ги покрила сандуците а тоа трае подолго време да знаеме дали во сандуците пчелите добро зимуваат ,поточно во каква состојба тие се наогаат
Тоа можеме да го утврдиме и по шумот што го произведува пчелиното семејство:
Нема шум- семејството е мртво.
Шум на суви лисја-нема храна
Шум на интензивно зуење-нема доволно воздух
Шум на жално долго зуење заедницата е без матица
Доколку при удар во кошницата се слушне интензивно зуење кое нагло запира- пчелината заедница е во добра состојба

Но и прегледот на отпадоците на подницата може да упати на
пчели иситнети и распарчани -има глушец
пчели со проширен долен дел и непријатна миризба-ноземоза поради скиснат мед
Отпадоци од поклопци со многу кристали-зашекерен мед

Се случува некои пчелини заедници да ја изгубат врската со медните рамки или пак да остане без мед .Доколку навреме се открие ваков случај пчелините заедници можат да се спасат со прихранување.

Зимското прихранување е едно од најдискутабилните прашања. Сепак повеќето теоретичари и практичари се сложуваат дека зимското прихранување е оправдано само во исклучителни ситуации кога пчелините заедници било од која причина немаат храна. Искуството покажува дека зимското прихранување предвреме ја активира пчелината заедница , што многу негативно се одразува посебно кога зимата е долга и студена и не овозможува почести прочистни излети.
Но доколку веќе прихрануваме, треба да напоменеме дека тоа во најчест случај се шекерно медни погачи кои се додаваат дирекно врз пчелиното клубе во топол сончев ден , или во специјална просторија во која топлината е околу +8 С⁰. Пчелината заедница со мрежа на летото се внесува во просторија  и по 20 минути се отвара поклопната штица благо се задимува и врз клубето се става шекерно медното тесто во кое нема никакви други примеси. Додатоци како што се квасец или соја не се препорачуваат во овој период.
Јануари е месец во кој пчеларите траба веќе поинтезивно да се припремаат  за активната сезона која е на прагот .Овие припреми ги опфаќаат:
-обезбедување и поправки , стерилизација и дезинфекција на целиот пчеларски прибор.
-Припремање на рамките кои ќе се жичаат напролет.
-Поправка на старите кошници дезинфекција и нивна припрема за бојадисување.
-Анализа на резултатите од минатата година и донесување на план за развој во наредната година , и т.н.
Секако дека и набавката на потребниот шеќер за стимулативно прихранување и набавката на сатни основи нетреба да се оставаат за наредниот месец во кој веќе треба да се отпочне со брзиот пролетен развој.
Незаборавјте да го проконтролирате изграденото саќе во медиштата и обновете ја заштитата од восковиот молец. Протоцерата или сумпорот.
Чувањето на изграденото саќе не е проблем само во јануар. Тоа е прашање кое си го поставуваме целата неактивна сезона.
Едно од решенијата е поделба на саќето на девичанско(саќе во кое матицата никогаш нема лежано) и саќе во кое е ведено легло .  Поктоа во спратовите со девичанско саќе се ставаат лисја од орев прекривајки го секој спрат , над него доага наредниот над кој пак ставаме ореови лисја.Вака наредените 5-6 спрата добро ги покривам со поклопна даска која добро дихтува. Тука молецот не би требало да се појави.
Но саќето во кое се ведени пчели и има мед истата постапка дава многу помали резултати и истите треба да се заштитат со некое средствао против восковиот молец како то е протоцерата ,сумпурот,хлорот и т.н.
Аскоцидинот е средство на база на хлор кое освен што дезинфецира од крчното легло делумно штити и од восковиот молец.
Ексенцијата(концентрирана оцетна киселина) која дезинфицира од евентуално присуство на спори од ноземоза во поголеми количини делумно штити и од восковиот молец.
Нивната апликација е едноставна се ставаат во пластичен сад и се ставаат над рамките на корпусите , затварајки се со поклопна штица која треба добро да дихтува.
Секако дека супорисањето со палење на сумпурните ливчиња е постапка која дава добри резултати.
И покрај сето ова саќето треба постојано да се проверува а постапката на заштита да се повторува .
Некои од корпусните кошници не ретко остануваат полупразни или празни за зимуваат со пчелините заедници. Доколку се наогаат под спратовите со пчели и мед овие спратови изложени на многу ниските зимски температури го чуваат саќето од восковиот молец. Во една прилика истакнавме дека ваквите спратови и кај дадамблат и кај лангстротрутдоколку се под спратовите со пчели служи како добар исолатор од дирикните надворешни влијанија на суровата зимска клима. Јануар е месец во кој добро треба да се припремиме за почеток на активната пчеларска сезона.